Shattered pieces

  1. Ab college canteen me woh akele hi baith ti hai....Class me
    uske bagal wali desk ab aksar khali hi rehti hai...sagar ke kinare ab woh akele hi baith ti hai..  ret me uske pairo ke nishan... ab akele hi bante hain...  

Pani ki lehre aur dhalte sooraj ko ab wo akele hi dekhti hai.. 

Har woh jagah, jahan kabhi uske saath  jaya karti thi.. ab aksar wahan akele hi jaya karti hai... 

Uska yun saath chor dena... aur uski kuch kamiyon ko zariya bana ke uski zindagi se chale jana... 

Is sab ne beshak use , zindagi ke shuruati daur me kaafi takleef di thi.... par wakt ki daud me usne kaafi kuch seekh lia tha...

Raat bhar rona... aur fir subah ek pyari si muskurahat ke saath uthna bhi ek kala hai... aur ab woh is kala me shayad maharath hasil kar chuki thi... 

Badi hi khoobsurati ke saath.. apne aansuon ko chipana.. aur muskurana seekh lia tha.

apni un kamiyon ko ab apni taakat me tabdeel karna shuru kar dia tha..... 

Dard ne beshak use gher lia tha.. is sab ne beshak use tod dia tha, par shayad toot ke judne ka hi naam zindagi hai..

Bikhar ke dekho.. aur fir khud ko sameto.. zindagi ko dekhne ka ek alag hi nazariya mil jata hai....

Raat bhar roke.. subah ek halki muskurahat ke saath utho... par fir kabhi na rone ka khud se ek wada kro... 

Us ek insan ke lie bhi kyaa khoon jalana... jisne tumhe sirf tumhari kuch kamiyon ke chalte thukra dia. Beeta hua kal kiska nahi hota... par usse kuch seekho... chaho toh akele me thoda gumzada bhi ho lo, apni galtiyon par hass bhi lo.... par apne us beet chuke kal ko , apne aaj par fateh mat hasil karne do.. 

Kyunki yaad rakho,

 tum beete hue kal ko nahi badal sakte....par aane wala kal, aaj bhi tumhara gulaam hai...  

Isliye......

Muskurao, aur us insan ko tahe dil se shukriya karo.. jisne kabhi tumhe toda hai.. "uske tumhe chor dene ko ek tohfa samajh ke kubool karo".... aur jin kamiyon ke chaltey chora hai, unhi ko apni takat bana lo..... 

Taaki zindagi me, agar tum us insan se kabhi takrao, toh uske diye hue tohfe ke liye.. apne hi andaaz me use shukriya kar sako.

                                                              

                                                                                 - Priyanshi....

Comments

Post a Comment

Popular posts from this blog

First Date

Image
Us subah woh bina ubaasi liye utha, shaayad pichli raat woh soya hi nahi tha, phir aankhen malte hue kuch do minute ke liye apne bistar ke sirhaane se tik jaata hai..... Kal raat woh soya nahi.... kyunki kal raat kisi ke khayalo ne use jagakar rakha tha....  Us ek text ne uski poori neend ujaad kar rakh di thi... Dil ki dhadkano ne toh jaise toofaan mel ki raftaar pakad li thi.. Aur ''dimaag'' , yeh bechaara toh ab kisi kaam ka nahi bacha tha,  Jo ladki uske khwaabo me aaya karti thi, kal raat, uske messages me aayi thi... aur aaj subah woh hakikat me use milne wali thi.. Kal raat aakhir is pagal se , bebaat muskuraane wale,kisi ko poori shiddat se chahne wale, apni dil ki baaton ko khud tak mehfooz rakhne wali is bholi si shaksiyat ne apni poori himmat bator ke apne khwaabo ki raani aur apni nayi nayi bani dost se millne ke liye ek darkhwaast laga hi di..... Is ummeed me ki shaayad kuch dino me, kuch baat toh ban hi jayegi... Kambhakt use kyaa pata tha, ki k
Read more

Pinjra

Image
Ek kirdaar hai, jo rooh ke andarr chipa baitha hai, Ek raaz hai, dil me kahin dubbak kar baitha hai, Kuch ehsaas hai, darr ki janjeero ne jinhe jakad ke rakha hai, Kuch parindey hain, dimaag ne jinhe pakad ke rakah hai... Kuch zakhmi sa ho gaya hai dil,  Dard jiska, ab dard bhi nahi deta hai, Kuch toot si gayi hai rooh, Jhooti muskurahaton ka silsila, ab khatm bhi toh nahi hota hai, Kuch sookh se gaye hain ashq woh, Ab toh shiqaayton ne bhi dum tod diya hai.. Aksar, apni shaksiyat ko dunia se chipaate ho, Kyaa raaz hai, jo dil me dabate ho?? Apne toote hue dil se haar jaatey ho, Yaa koi aur bhi baat hai, jiske aagey majboor ho jaatey ho?? Apne har khwaab ko kyun dil me dabaate ho, Dunia hasegi, is baat se kyun katraatey ho?? Chehre ki khoobsurati pe kyun marr jaatey ho, Haseen dil hote hain, chehre nahi, is baat ko kyun nahi samajh paatey ho?? Dunia ke aagey, kyun cool ban jaatey ho, Tumhare andarr ek bacchha hai, har pal usko kyun chipaate ho? Nafrat ki aag me
Read more

The Darkest corner

Image
Baith jaati hun paani ki lehero ke kinaare aksar kyunki mere andar ke shor ka samajhna ab har kisi ke bas ka rog nahi..... Us madmast mausam me jab ye lehre mere pairo ko choom kar laut jaati hain, tab ehsaas hota hai, ki shaayad ye mere dil ka haal sunna chahti hain... Mujhe aksar apne dil ki baatein bayan karne ki zarurat nahi hai unke saamne... Woh khud-ba-khud mere bezubaan kahyaalo ko ek dhaage me piro ke rakh deti hain... Yeh lehere, ye dhalta hua sooraj, ye laal aasman, ye thandi hawa ke jhonke, aur mai.... bahut purani yaari hai hamari...   Woh lehre shaayad meri hum-dum hain, aur mai unki..... Janab, wo meri aankhon me kaid mere dard ko pehchaan leti hain.... Aur mai, mai bhi toh unka eklauata sahara hun... Is khudgarz dunia ki tarah, mai un lehro ke shor ka maza lene waha nahin jaati, mai jaati hun wahan us shor ko samajhne ke liye, us shor ki har aahat ko mehsoos karne ke liye... Hamari yaari me na kabhi usne mujhse kuch maanga, na maine usse.... Bas har roz ham
Read more