3 AM Diaries

Us subah woh bina ubaasi liye utha, shaayad pichli raat woh soya hi nahi tha, phir aankhen malte hue kuch do minute ke liye apne bistar ke sirhaane se tik jaata hai..... Kal raat woh soya nahi.... kyunki kal raat kisi ke khayalo ne use jagakar rakha tha....  Us ek text ne uski poori neend ujaad kar rakh di thi... Dil ki dhadkano ne toh jaise toofaan mel ki raftaar pakad li thi.. Aur ''dimaag'' , yeh bechaara toh ab kisi kaam ka nahi bacha tha,  Jo ladki uske khwaabo me aaya karti thi, kal raat, uske messages me aayi thi... aur aaj subah woh hakikat me use milne wali thi.. Kal raat aakhir is pagal se , bebaat muskuraane wale,kisi ko poori shiddat se chahne wale, apni dil ki baaton ko khud tak mehfooz rakhne wali is bholi si shaksiyat ne apni poori himmat bator ke apne khwaabo ki raani aur apni nayi nayi bani dost se millne ke liye ek darkhwaast laga hi di..... Is ummeed me ki shaayad kuch dino me, kuch baat toh ban hi jayegi... Kambhakt use kyaa pata tha, ki k

Aaj woh dulhan ke libaas me saji hui thi......  Yeh wahi libaas hai, jo usne apni shaadi ke dauraan pehna tha... Shaadi ke baad har saal, woh aaj ke din is laal jode me nazar aati thi......... Uska chehra khil raha tha, ye laal rang uski khubsurati me chaar chaand laga raha tha..... Makeup ki zyada shaukeen toh woh kabhi rahi nahi, yaa yun keh lijiye, use khoobsurat dikhne ke liye... is sab ki zarurat kabhi padi hi nahi.... Bas aankhon me halka surma laga ke, hothon par apne shauhar ki pasand ki lipstick laga ke aur maathe par uske naam ki bindi saja ke woh taiyaar ho gayi....... Shayad us din,  uske kamre me laga woh aaina bhi uski khoobsurati me doob chuka tha.... Apni nazuk kalaiyon ko woh bas choodiyon se saja hi rahi, tabhi darwaaze par dastak hoti hai...  '' Aur kitna wakt lagega, zara jaldi kijiye.... Sab hamari raah dekh rahen hain.. ''   Darwaaze ke bahar se aawaaz aati hai... Kuch lamhe, woh bahar intezaar karta hai, aur fir woh dobaara awa