Photograph
Waise toh meri balcony ke upar bani chhat ki wajah se baarish ko mujhe bhigaane me thodi mushkil ho rahi thi, par phir bhi kisi tarha raasta banaate hue, baarish ki halki halki bauchaar mujhe choone ki koshish kar rahi thi...... Mere ek haath me meri novel thi, aur doosre haath me chai ka cup tha.... Mai bachpan se hi kahaniyon ki badi shaukeen rahi hoon, Kahaniyon me saare kirdaaro ko samajhna aur fir us kahaani ko mehsoos kar ke padhna, yeh sab mere pagalpan ka hissa raha hai.... Toh bas meri chai khatam hui, aur us kitaab ke palat'te panno ke saath, uski movie jaise mere dimaag me chalne lagi...... Us kitaab me likhi choti se choti baat ko mai mehez padh nahi rahi thi, Mai use dekh paa rahi thi, mehsoos kar paa rahi thi..... Maano jaise, mai us kitaab ke andar jaa chuki thi, aur us kitaab ke saare kirdaaro se mulakaat karte hue, kahaani ke bhanwar se guzarte hue, mai ab us kitaab ki aadhi raah tak aa chuki thi.... Aur phir achaanak se agla panna palat't