Lagatar logo ka aana jaana laga hua tha ghar me. Pados wale, jaan pehchaan waale, rishtedaar .. sab aaye..... Chaar baate kahi, dilasa dene waali...aur chale gaye........

Poore ghar me maatam ki ek leher chaayi hui thi.

 Deewar ke sahare tik ke khada tha woh, aur uski budhi maa apne bete ki baajuon ka sahara leke khadi thi.

Ek toofan sa aaya tha, jisne unke chote se pariwar ko bikher diya tha...  

 Ek khaalipan sa aa gaya tha, ab us ghar me.. 

Jin haathon ne kabhi, us ghar ki baag-dor smbhali thi... ab woh haath bejaan ho chuke the...

Jis insan ne kabhi, us makaan ko ghar bana ke rakha tha... ab woh insan mitti me tabdeel ho chuka tha... 

Us chote se ghar ke bade se kamre me, logo ki bheed ke beech , ek ''safed  chadar'' me lipte hue lete the woh....

 Us ''safed chadar'' ko yeh dunia... kafan ke naam se jaanti hai...

Mann bhaari tha,  Dil toota tha, Gala bhar chuka tha, Rooh ro rahi thi....

 Par is sab ke alawa, ek aur ehsaas bhi tha shaayad uske dil me...

''Kaash'' ek aakhiri baar , mai baba ko bata paata... ki woh mere liye kyaa hai.

''Kaash'' ek aakhiri baar, baba se apni saari galtiyon ki maafi maang paata.

''Kaash'' apne saare kaam kuch waqt ke liye nazarandaaz karke kuch lamhe baba ke saath bitata.

''Kaashhhh.........''

Yeh ''Kaash'' bahut hi dardnaak alfaaz hai..... Jab bhi zindagi ke kisi daur me kadam rakhta hai.. bas takleef hi deta hai... 

Koshish ek baat ki hamesha yahi rehni chahiye, ki aapko kabhi is ''Kaash'' ke saamne ghutne na tekne pade.... khaas kar ki.. aapke apno ke maamle me toh kabhi bhi nahi.....

 Badi ajeeb baat hai... hum sab ke paas ek seemit samay hota hai.. par hume na un beyhadh keemti lamho ka mol samajh aata hai..aur na hi apno ki keemat samajh me aati hai..

Kamaal ki baat hai..... gairo se hum badi mohabbat ke sath pesh aate hain, aur apno ke saath bebaat berukhe ho jaatey hain.

Ek baat yaad rakhiye, na aap hamesha is zindagi ke saathi rehne wale hain.. aur na hi woh, jinse aap pyaar karte hain.

Isliye,

Aap jinse pyaar karte hain, unhe jab bhi mauka mile, bas yeh batate rahiye...ki woh aapke liye kyaa hain... apna pyaar unhe jatate rahiye.

Kyunki yaad rakhiye,

''Aane wala kal'' ...... na aapne dekha hai..  aur na hi aapke apno ne.

                                                                          - Priyanshi

Comments

Post a Comment

Popular posts from this blog

First Date

Image
Us subah woh bina ubaasi liye utha, shaayad pichli raat woh soya hi nahi tha, phir aankhen malte hue kuch do minute ke liye apne bistar ke sirhaane se tik jaata hai..... Kal raat woh soya nahi.... kyunki kal raat kisi ke khayalo ne use jagakar rakha tha....  Us ek text ne uski poori neend ujaad kar rakh di thi... Dil ki dhadkano ne toh jaise toofaan mel ki raftaar pakad li thi.. Aur ''dimaag'' , yeh bechaara toh ab kisi kaam ka nahi bacha tha,  Jo ladki uske khwaabo me aaya karti thi, kal raat, uske messages me aayi thi... aur aaj subah woh hakikat me use milne wali thi.. Kal raat aakhir is pagal se , bebaat muskuraane wale,kisi ko poori shiddat se chahne wale, apni dil ki baaton ko khud tak mehfooz rakhne wali is bholi si shaksiyat ne apni poori himmat bator ke apne khwaabo ki raani aur apni nayi nayi bani dost se millne ke liye ek darkhwaast laga hi di..... Is ummeed me ki shaayad kuch dino me, kuch baat toh ban hi jayegi... Kambhakt use kyaa pata tha, ki k
Read more

Pinjra

Image
Ek kirdaar hai, jo rooh ke andarr chipa baitha hai, Ek raaz hai, dil me kahin dubbak kar baitha hai, Kuch ehsaas hai, darr ki janjeero ne jinhe jakad ke rakha hai, Kuch parindey hain, dimaag ne jinhe pakad ke rakah hai... Kuch zakhmi sa ho gaya hai dil,  Dard jiska, ab dard bhi nahi deta hai, Kuch toot si gayi hai rooh, Jhooti muskurahaton ka silsila, ab khatm bhi toh nahi hota hai, Kuch sookh se gaye hain ashq woh, Ab toh shiqaayton ne bhi dum tod diya hai.. Aksar, apni shaksiyat ko dunia se chipaate ho, Kyaa raaz hai, jo dil me dabate ho?? Apne toote hue dil se haar jaatey ho, Yaa koi aur bhi baat hai, jiske aagey majboor ho jaatey ho?? Apne har khwaab ko kyun dil me dabaate ho, Dunia hasegi, is baat se kyun katraatey ho?? Chehre ki khoobsurati pe kyun marr jaatey ho, Haseen dil hote hain, chehre nahi, is baat ko kyun nahi samajh paatey ho?? Dunia ke aagey, kyun cool ban jaatey ho, Tumhare andarr ek bacchha hai, har pal usko kyun chipaate ho? Nafrat ki aag me
Read more

The Darkest corner

Image
Baith jaati hun paani ki lehero ke kinaare aksar kyunki mere andar ke shor ka samajhna ab har kisi ke bas ka rog nahi..... Us madmast mausam me jab ye lehre mere pairo ko choom kar laut jaati hain, tab ehsaas hota hai, ki shaayad ye mere dil ka haal sunna chahti hain... Mujhe aksar apne dil ki baatein bayan karne ki zarurat nahi hai unke saamne... Woh khud-ba-khud mere bezubaan kahyaalo ko ek dhaage me piro ke rakh deti hain... Yeh lehere, ye dhalta hua sooraj, ye laal aasman, ye thandi hawa ke jhonke, aur mai.... bahut purani yaari hai hamari...   Woh lehre shaayad meri hum-dum hain, aur mai unki..... Janab, wo meri aankhon me kaid mere dard ko pehchaan leti hain.... Aur mai, mai bhi toh unka eklauata sahara hun... Is khudgarz dunia ki tarah, mai un lehro ke shor ka maza lene waha nahin jaati, mai jaati hun wahan us shor ko samajhne ke liye, us shor ki har aahat ko mehsoos karne ke liye... Hamari yaari me na kabhi usne mujhse kuch maanga, na maine usse.... Bas har roz ham
Read more